تفعيل السوفت POS في مصر: نقلة جديدة في أنظمة الدفع الإلكتروني
الفترة الجاية هيحصل تطور كبير جدًا في مجال المدفوعات الإلكترونية في مصر، وده بعد ما البنك المركزي المصري وافق رسميًا على تفعيل خاصية Soft POS. القرار ده يعتبر خطوة مهمة هتغير شكل الدفع في المحلات، خصوصًا عند التجار الصغيرين وأصحاب الأنشطة اليومية.
البنك المركزي أعلن عن إطلاق خدمة قبول المدفوعات الإلكترونية اللاتلامسية عبر الأجهزة الذكية زي الموبايل أو التابلت، باستخدام تطبيقات السوفت POS، وده في إطار التوجه نحو تقليل الاعتماد على الكاش، وتعزيز الشمول المالي، وتحقيق مستهدفات رؤية مصر 2030.
يعني إيه Soft POS ببساطة؟
السوفت POS هو نظام بيحوّل الموبايل نفسه لماكينة دفع. بدل ما التاجر يشتري ماكينة فيزا أو فوري، واللي سعرها بيبقى غالي وصيانتها مكلفة، كل اللي محتاجه موبايل بيدعم NFC وتطبيق معتمد من البنك المركزي.
التاجر بينزل تطبيق Soft POS على موبايله، وبيسجل باستخدام السجل التجاري والرقم الضريبي، وبعدها بيبقى عنده حساب كامل يقدر يستقبل من خلاله المدفوعات.
إزاي عملية الدفع بتتم؟
العملية بسيطة جدًا:
- العميل يقرب الفيزا أو الكارت بتاعه من موبايل التاجر
- لو الكارت عليه علامة الـ NFC (الواي فاي) المعاملة بتتم فورًا
- الخصم بيحصل في بيئة مشفرة ومؤمنة
- إدخال الرقم السري بيكون مباشرة على شاشة الموبايل
- المعاملة كلها معتمدة وآمنة بنظام 3D Secure
يعني نفس أمان الماكينة التقليدية، لكن من غير ماكينة.
دعم رسمي وتأكيد من البنك المركزي
محافظ البنك المركزي المصري، السيد حسن عبد الله، أوضح إن الخدمة دي جاية استكمالًا لجهود البنك في:
- تهيئة البنية التحتية لنظم الدفع الإلكتروني
- تسهيل المعاملات المالية على المواطنين والتجار
- دعم الشمول المالي
- إتاحة الخدمات المالية الإلكترونية في أي وقت ومن أي مكان
وده يوضح إن النظام مش تجربة عشوائية، لكنه جزء من خطة رسمية طويلة المدى.
ليه السوفت POS هيوفر على التجار؟
النظام ده بيحل مشاكل كتير كانت موجودة مع ماكينات الـ POS التقليدية، أهمها:
- إلغاء تكلفة شراء الماكينة
- مفيش صيانة ولا أعطال
- مفيش انتظار دعم فني
- مناسب جدًا للمحلات الصغيرة والبائعين اليوميين
وده كمان بيساعد على دمج فئات جديدة من التجار في منظومة الدفع الإلكتروني، وده كان صعب قبل كده بسبب التكاليف.
الفايدة بالنسبة للعميل
- تسيب المكان
- تروح تسحب من ATM
- ترجع تاني
- تضيع وقت ومجهود
هل في عيوب للسوفت POS؟
من وجهة النظر المطروحة في الفيديو، في شوية نقاط لازم تكون واضحة:
1️⃣ مفيش إيصال ورقي
- تصوير الريسيت
- أو Screenshot
- أو إرسال الإيصال على موبايل العميل
2️⃣ لازم موبايل يدعم NFC
التاجر لازم يكون معاه موبايل بيدعم NFC، وغالبًا هيكون في اشتراطات معينة للنظام، زي:
- أندرويد بإصدار معين (مثلاً 12 أو 13) او اعلي علي سبيل المثال
لكن مع الوقت، ومع تحديث الناس لموبايلاتها، النقطة دي هتختفي.
3️⃣ الفيزا نفسها لازم تدعم NFC
- يربطها بـ Apple Pay
- أو يستخدم الموبايل نفسه للدفع طالما بيدعم NFC
هل النظام آمن؟
- إدخال الرقم السري بيتم بنفسك
- مفيش حد بيشوف الباسورد
- نفس مستوى أمان ماكينات POS
- نظام 3D Secure شغال
وده نفس اللي حصل في بداية إنستاباي، الناس كانت قلقانة، ومع الوقت بقى جزء أساسي من حياتنا اليومية.
تجربة تشغيل الخدمة
البنك المركزي كان عامل تشغيل تجريبي للخدمة قبل كده، بحد أقصى للمعاملة حوالي 600 جنيه، والتحديث الأخير جه علشان الإطلاق الرسمي للخدمة بشكل أوسع، وده ضمن خطة مستمرة لتطوير خدمات الدفع الإلكتروني في مصر، ومواكبة التطورات العالمية في المجال.
الخلاصة
نظام Soft POS ليه مميزات كتير جدًا:
- تسهيل الدفع
- تقليل الاعتماد على الكاش
- دعم التجار الصغيرين
- توفير تكلفة الماكينات
- سرعة وأمان في المعاملات
